انا العضو المنحرف

[-$-H!T-$-]

الموضوع ده من مذكراتي الشخصية لس مش عارف احطه فين

المهم انا حطته هنا و خلاص

نبدأ بقي


كتير بسأل نفسي . هو أنا غبي ؟!
هو الغباء ده شكله ايه ؟ عامل ازاي؟ لونه طعمه ريحته ؟ هل صفه وراثيه ؟ . طيب مش كل الناس ليها نفس العقل ليه واحد ذكي وواحد غبي وواحد نص نص وواحد تفكيره علي قده ..
ثقافه ؟؟ طيب مين اللي زرع جوا الحد ده حب انه يعرف حاجه جديده او يكون عنده فضول للمعرفه ..


انا بلك و اعجن ليه ندخل علي المفيد.
.. وانا صغير , من كتـــــــــير اوووي كنت حد رخم اللي اقصي حد و في نفس الوقت دمي خفيف برضوا لحد بعيد .. يعني رخم علي اللي بعمل فيه مقلب او حاجه بس بالنسبه للمتفرجين الواد ده عسل ..
كنت من النوع اللي بيفرك كتير و مش بيقعد ساكن ولا ساكت عكس اخويا الكبير اللي كان مربيلي عقده لما اعمل مشكله القي كل الناس تعايرني لان اخويا ملاك انما انا عم الفاسد المنحرف ..

كتير قريت حاجات او مذكرات سواء في القهوه او حكاوي سمعتها من ناس عن مدي انحرافهم كأطفال و قد ايه كانوا في منتهي الشقاوه ... مش مقصود بالانحراف انه بيشم كله بس في اطفال بتكون من النوع اللي مش بيهدا ابدا دايما عاوز يتحرك
و سعات بيكون الطفل ذكي لدرجه بتوصله للغباء او بتخليه يعمل حاجات من باب التجربه و بتكون في ظاهرها غبيه جدااااااا ولكن بتحمل بالنسبه له معني كبير وهو حب المعرفه ..
. ايه اللي هايحصل لووو ؟؟؟؟؟؟
سؤال مش بيساله الا الطفل اللي بيفكر
.

اعتقد ان ناس كتير جداا بعد االلي هاكتبه ده هتغير وجهه نظرها عن الاطفال عموما ... و هيعرفوا ان كان في واحد من الناس ااسمه كيشو وهو صغير كان ملاك ..ملاك بمعني الكلمه ..


في ذات يوم من الايام في الصيف كان عندي 4 سنين زي أي طفل عادي جداا جداا مع مامتشي و اخويا الكبير ريحين نزور جدتي و خلاتي في محافظه ما الزياره السنويه المعتاده . طبعا السفر كان متعه في السن ده جدا . كنت عامل فيها الواد الراجل ابو شنب في وشه .. بمشي لا يمكن حد يمسك ايدي و لا يمكن اقعد علي رجل حد
راجل بءه بس عنده 4 سنين ..

وصلنا بحمد الله لبيت جدتي و هو بيت من طابقين الطابق التاني لسه بيتشطب .

و بين الاحضان و جدتي اللي ليها 4 بنات متلميين حواليها دا طبعا غير الولاد اللي مش عارف اعدهم تقريبا 4 برضوا كله عمال ياخد بالحضن و يسلم و الناس كتير وانا تايه و محدش معبرني لاني مش باين اساسا .

. بصيت بقرف و قلت لا اانا ماشي من هنا . لقيت السلم قدامي طلعت عليه كل دا في ثواني طبعا احداث سريعه جداا

طلعت الدور التاني اللي لسه حتي مفيهوش شبابيك ولا بلاط .

مشيت مستغرب المكان جداا بتلفت الاقي حاجه العب فيها حاجه اكسرها أي حاجه مش لاقي ..

شدني منظر البلكون الواسع رحت عنده و كان في شكاير اسمنت مرصوص جنب الجدار وانا طبعا مش عارف اشوف الشارع لان الصور طويل عليا اعمل ايه .. رحت طالع علي شكاير الاسمنت و شفت الشارع و كان شارع خلفي مش شارع رئيسي بس كان كبير برضوا .. الوقت كان تقريبا الظهر في الحر في قلب الصيف ..

حاسس بملل و زهق مش عارف اعمل ايه و كل دا في دقيقه او اتنين مش اكتر و لسه محدش ملاحظ انا فين تقريبا لسه بيسلموا علي بعض ..

بصيت لقيت واحد راجل جاي من بعيد شويه و قرعته بتلمع في الشمس و كان شكله هلكان جدا من الحر .. مش عارف ليه حسيت ان قرعته بتناديني و بتقولي انا عاوزه حد يبطحني . .. و قلت لنفسي هل الراجل ممكن يجراله حاجه لو قالب طوب نزل علي دماغه ؟؟

بجد حسيت بكدا .. في سرعه الاسد اللي شاف الغزال قدامه رحت نازل من علي الاسمنت و جري ادور علي حاجه ابطح بيها الراجل ده .. مش لاقي جريت علي اوضه تانيه لقيت فيها رمل جريت علي تالته لقيت شويه طووب فيها ..
وطبعا لاني بحب العمل المتقن مش اختار حته طوبه صغيره لالالالالالا
حاولت اشيل قالب كامل بس لقيته تقيل عليا . 4 سنين يا عالم

جري دورت لقيت ييجي 4/3 قالب طوب بس ملظلظ و حلو و كميل..
... بسرعه اخدته و جريت علي البلكون حطيت ال 4/3 قالب طول علي الاسمنت و طلعت مره تانيه علي الاسمنت .. تقريبا الراجل خلاص هيعدي من تحتي .. .. وقفت تماما و مسكت بالقالب في ايدي الاتنين و مستني لحظه الانتقام من مين معرفش بس هوا انتقام و خلاص ... مستني اني اشوف حاجه جديده زي عالم مستني التجربه بتاعته بالظبط
...........
كان في مسدس واحنا صغيرين بيعمل صوت قنبله تبدأ بشويش و بعدين تعلي اكتر و لما تنفجر تعمل كككككككككخخخخ ..
بحب انا الحاجات دي جداا .. ..
لازم موسيقي تصويريه تخيلت ان قالب الطوب هوا القنبله . و جت اللحظه الراجل تحتي تمام معدي قرعته بتلمع .. بتناديني ...

رميت القالب . متبوعا بالموسيقي التصويريه ..



ااااااااووووو
ووووووووو
وووووووو





.. يتبع ..



:fv3ewb:

[المهرة الصعبه]

هخههههههههههههههههههههههههههههههههههههههه

يسلموووووووووووووووووووووووووووووووووو

[**فراشة همسة حب**]

خخخخخخخخخخخخخخخخخخخخ

حلوة ولله