الــــــــــسعــودية

[الـزعـيـمـ]

السلام عليكم ورحمة الله وبركاتة

احبتي اعضاء منتدى همسة اتمنى من جميع الاعضاء

ان يطرحوا ارائهم وتحليلاتهم لمباراة السعودية وتونس



انا والله رايي في المباراة

(( كان الارتباك واضح على لاعبين منتخبنا الوطني في بداية الشوط الاول واتى الهدف وكنا متوقعين انه يجي بسبب الاخطاء الدفاعيه اللي مافيه امل يتركونها مدافعين المنتخب ومع بداية اشوط الثاني للمباراة رجع منتخبنا الوطني وتحكم بزمام الامور وسجل الهدف الاول وفلتت المباراة من اخوانا التوانسة وكان فية اكثر من فرصة لمنتخبنا لتسجيل اكبر عدد ممكن من الاهداف لكن للاسف ما استغلوا هالفرصة ..
وكان المدرب باكيتا ولله الحمد ناجح في جميع تغيراته على انه والله لو انه مطلع نواف التمياط ومدخل محمد الشلهوب كان تحرك اللعب في منطقه الوسط اكثر المهم ان المدرب كان ناجح في تغيراته ودخل الذيب ولعب فيهم والله وسجل الهدف الثاني بس الدفاع ما شاء الله لازال يواصل الاخطاء المتكررة وش قال قال المنتشري افضل لاعب في اسيا
المهم وجا الهدف الثاني على ان منتخبنا كان ماسك المباراة واصلا التوانسه كانوا مهدينها لهم .. لكن الشكوى لله صراحه اللعبين اللي مخربين سير اللعب هم (( رضا تكر (( والمنتشري (( والدوخي (( والتمياط (( الاناني ))
طبعا هذا تحليلي الشخصي



مع تحياتي لكم اخوكم

الزعيم

[راجـع ضميـرك]

..

يـعـطـيــك الـعـافـيـهـ أخـوي الـزعـيـم عـلـى الـطــرح

..

المهم .. بقول لكم وجهة نظري في المباراة وبكون واقعي وصريح ..


شفت الكثير من الانتقادات على تكر بالذات .. ما اقول لكم انه افضل لاعب ..

لكن صدقوني لولا وجودهـ يمكن كانت بتكون تاريخية للتوانسه !!

المنتشري محد جاب طاريه .. مع ان تمركزهـ السيء هو سبب الهدف الأول ..!!

تكر كان مثال للاعب القتالي .. مافيه كورهـ ما ينبرش عليها !!

إن كان لي مأخذ وحيد على اللاعب فهو فلسفته اللي ما كان لها داعي يوم يموهـ بالكورهـ ويسحب باللاعب التونسي ولكنه خلصها على كل حال ..

ولا الباقي كان هو اللي بالوجه وبالصورهـ وما يخلي كورهـ ما ينقض عليها .. والمنتشري مع احترامي ما ادري هل كان خايف ولا رهبة كأس العالم مأثرهـ عليه لأنه كان يقوم بدور المتفرج أغلب المباراهـ ..

اخطاء تكر اللي في المباريات الودية ما شفناها اليوم .. الهدف الأول خلصها براسه مع انها عرضية صعبه جداً .. ولكن اصدمت الكورهـ في المنتشري ولا يلام مبروكـ زايد على الهدف الأول ..


اما الهدف الثاني .. فكان غلطة الدوخي .. ولاهي غلطة وحدهـ بل غلطتين ..

الأولى كشفه للتسلل .. والثانية عدم مراقبته للاعب التونسي اللي جاب الهدف .. خصوصاً ان تكر كان مع اللي لعب العرضية والمنتشري مغطي لاعب ثاني .. والدوخي مخلي اللاعب على راحته ..

ومعليه ما نلوم مبروكـ زايد على الهدفين ..!!


ما ابتكلم عن المنتخب التونسي واخطاءهـ في المباراهـ لأن اللي يهمنا بالدرجة الأولى هو منتخبنا ..

من وجهة نظري كان المنتخب التونسي يستحق ضربة جزاء في بداية المباراهـ + كرت أحمر لأحد لاعبيه ..

حسين عبدالغني .. كان نجم المنتخب السعودي الأول .. إستخلاص الكور بشكل ما نشوفه إلا في الكرهـ العالمية ثقة رائعه روح ولا أحلى .. مساندة الهجوم بشكل ممتاز .. كتم أنفاس محترف أياكس حاتم الطرابلسي .. وياليتكـ يالطرابلسي عرفت وتذكرت تصريحكـ اللي قبل المباراة لما كتم انفاسكـ حسين عبدالغني ..!!


نجي للوسط :

بداية المباراة حصل اللي انا كنت خايف منه وهو اللعب بـ 3 محاور اما منتخب تونس واللي يعتبر املنا في التأهل ..!!

عمر الغامدي .. ما شفناهـ نهائياً .. في ظل وجود الكبار سعود كريري وخالد عزيز اللي ما قصرو ..

نور .. اداء كان أقل من العادي في الشوط الأول .. ويتضح لنا عدم تفاهمه مع التمياط ..

بينما في الشوط الثاني طلع نور اللي نعرفه مع الاتحاد .. لما خلاهـ المدرب يتقدم أكثر ناحية الهجوم وهذ1 اللي يقدر يبدع فيه محمد نور .. ولا لنا أي مأخذ عليه بإستثناء إضاعته للفرصه اللي في بداية الشوط الثاني .. وإن كنت احس انه ما كان متوقعها اصلاً او متوقع شاكـ ان فيها تسلل .. وعوضها بكورهـ ولا أحلى للقناص ياسر القحطاني ..


التمياط : كان في سبات عميق .. وعلى ما يبدو لي ان حلم الإحتراف في أوروبـا كان أهم عندهـ من نتيجة المباراهـ !!

ما ادري حسيته يلعب مباراة لحاله .. كل فاول يبي يشوته .. كل كورة يمشي لما تنقطع .. ما يناول يشوت وبس وياليتها تجي جنب الهدف ..!!

كنت أشوف انه من الأفضل إدخال الشلهوب من بداية المباراة وما حصل وقلنا يمكن تأثير حالة الشلهوب النفسية لها دور .. لكن الله العالم ..

كان الأجدى لباكيتا انه يلعب بمحورين من بداية المباراة وإدخال الشلهوب من البداية مع مالكـ معاذ .. ويبقي سعد الحارثي وسامي الجابر والمبدع محمد أمين كأوراق رابحه لديه .. لكن حيل الله أقوى ..

محمد أمين & مالكـ معاذ & سامي الجابر & حسين عبدالغني & رضا تكر & ياسر القحطاني & محمد نور & خالد عزيز & سعود كريري = ما قصرتو يا شباب ..


أتمنى من باكيتا إستغلال نفسيات المنتخب الأوكراني في هذ1 الوقت بالذات فقد تكون دافع كبير لنا في التأهل .. خصوصاً ان منتخب تونس نفسياتهم مش ولا بد في مقابل النفسيات المرتفعه لدى الأسبان !!


* للمعلومية صاحب الهدف الأول من المنتخب التونسي أخذ أفضل لاعب في المباراهـ بعد ان كان يستحقها خالد عزيز واستغنى عنها الوفد السعودي لأن الشركة الراعية شركة مشروبات كحولية .

* أختار الفيفا هدف سامي الجابر .. هدف اليوم "بمعنى أفضل هدف" في كأس العالم .

* نواف بن فيصل أعلن عن صرف مكافأة الفوز للاعبين " 100000 " ريال للاعبين نظير المستوى اللي طلعو فيه .


* حول المباراة القادمة :

1- عمر الغامدي + نواف التمياط .. أتمنى ما نشوفهم في التشكيلة الأساسية ! <<--- بمعنى نلعب بمحور واحد + تغيير التمياط بـ أمين أو الشلهوب !

2- مالكـ معاذ من الظلم له ولياسر ان يبقى في دكة الإحتياط !

3- ثلاثة محاور لا اعتقد انها ستكون مناسبة لأداء منتخبنا اللي لم يفلح فيها حتى في المباريات الودية ولكن ربما ضد أسبانيا تكون هي الأنسب !



بالتوفيق لمنتخبنا في مباراته القادمه وإن ما تأهلنا نتمنى ان التوانسه يكملون المشوار ..

..

تـحـيـاتـي لـكـم

راجـ ع ضـمـيــرك

..

[الـزعـيـمـ]

الف شكر لك اخوي راجع ضميرك على الموضوع الاكثر من حلو

والله لايحرمنا منك ومن ردودك الحلووووة

[رنيم الشرقية]

مشكـور اخـويـ الـزعـيـم عـلـى الـمـوضـوع
الـمـنـتـخـبـ الـسـعـودى تـمـيـز بـلـعـبـهـ
بـالـشـوطـ الـثـانـى أكـثـر مـنـ الـشـوطـ الاولـ
تــــــــحـــــــيــــــــــــــاتـــــــــــى
رنــــــيـــــــــم الـــشــــــــرقـــيـــــــة**

[ولدفنان]

يــــســـــــــــــلموووو ...... يالغلا

والله يعطيك الف عافية يارب

تحياتي لك

ولدفنان

[كادي]

يسلموووووووووووو

ويعطيك العافيه

[شوق بس كلا ذوق]

والله كان اخطاء الدفاع كثير جاكم الإعصار بعد عن طريقه جهزو فسدو بس إذكر الله وشوف مايعرف الخوف

[( BIG BOSS )]

يعطيك الف عافيه يالغلا ومشكوووووووووور وما قصرت

[ولد رومنسي]

يسلمووووووووووووووووو